Thursday, September 29, 2011
අරුම පුදුම රැෆ්ල් ත්යාග
Saturday, September 24, 2011
UARS චන්ද්රිකාව සෙනසුරාදා (24) පෙරවරුවේ පොළවට කඩා වැටෙයි
UARS චන්ද්රිකාව අද (24) පෙරවරුවේ පැසිෆික් සාගරයට ඉහළින් පෘථිවි වැයුගෝලයට ඇතුල් වූ බවත් එය පැසිෆික් සාගරයට කඩා වැටුන බවත් කැලිෆෝනියා හි වැන්ඩර්බර්ග් ඒකාබද්ධ අභ්යාවකාශ මෙහෙයුම් මධ්යස්ථානය ප්රකාශ කරයි. එහෙත් එය වැටුන ස්ථානය තවමත් ස්ථිරව හඳුනාගෙන නොමැති බවත් අද උදෑසන එහි දිවිය දැවෙන ගිනි ගුලියක් සේ දැවැන්ත පැසිෆික් සාගරයෙන් නිමාකළ බවත් ඔවුහු සඳහන් කළහ.
Wednesday, September 21, 2011
ටොන් 6 ක චන්ද්රිකාවක් සිකුරාදා පොළවට වැටෙනවා
ඉහත ඡායාරූපයේ දැක්වෙන්නේ 1991 සැප්තැම්බර් 12 දින අභ්යාවකාශගත කළ අවස්ථාවේදී ගනු ලැබූ UARS චන්ද්රකාවයි.
Friday, September 9, 2011
සරසවි අනධ්යයන සේවකයෝ ලබන සඳුදා ලෙඩවෙති
මේ අනුව මෙම වෘත්තීය ක්රියාමාර්ගය හේතුවෙන් ලබන සඳුදා සියළුම විශ්වවිද්යාලවල වැඩ කටයුතු ඇණහිටිනවා. මේ සඳහා විශ්වවිද්යාල විධායක නිලධාරීන් ද එක්වී සිටිනවා.
1997 රාජ්ය සේවයේ වැටුප් වැඩිවීමේදී විශ්වවිද්යාල අනධ්යයන සේවකයින්ගේ වැටුප් වැඩි නොවීම නිසා රජයේ හා විශ්වවිද්යාල සේවක වැටුප් අතර විෂමතාවයක් පැන නැඟී තිබෙනවා. එසේ තිබියදී පසුගිය මැයි මාසයේදී ඇරඹි විශ්වවිද්යාල ආචාර්යවරුන්ගේ වෘත්තීය අරගලය මාස 2 ක පමණ කාලයක් පැවති අතර එය ජයග්රහණය කර ඔවුන්ගේ වැටුප් ඉහළ ප්රතිශතයකින් වැඩි කරගනු ලැබුවා. එම ආචාර්ය වැටුප් වැඩිවීමත් සමග විශ්වවිද්යාල අනධ්යයන සේවකයින්ගේ වැටුප් විෂමතාවය තවත් වැඩිවුණා.
මේ අතර විශ්වවිද්යාල විධායක නිලධාරී සහ පරිපාලන නොවන වෘත්තීය සමිති ඒකාබද්ධ කමිටුව නිවේදනයක් නිකුත් කරමින් ප්රකාශ කර සිටින්නේ මීට පෙර ආචාර්ය හා අනෙකුත් සේවක වැටුප් ඉහළ දැමීමේදී යම් ප්රතිපත්තියක් අනුගමනය කළ බවත් දැන් එම ප්රතිපත්තිය ක්රියාක්මක නොවන බවත් ය.
එනම්,
1. විශ්වවිද්යාල ප්රතිපාදන කොමිෂන් සභා චක්රෙල්ඛ අංක 334 මගින් අධ්යයන කාර්ය මණ්ඩලයට වෘත්තීය දීමනාවක් ගෙවන විට අනෙකුත් කාර්ය මණ්ඩලයට වැටුප් වර්ධක 4 කට සමාන අගයක දීමනාවක් ගෙවීම
2. අංක 548, 550, 552 වැටුපෙන් 25% ක දීමනාවක් සියළු කාර්ය මණ්ඩලවලට ලබාදීම
3. අංක 558 මගින් අධ්යයන කාර්ය මණ්ඩලයට පොත් දීමනාව ගෙවන විට අංක 563, 564 න් අනෙකුත් කාර්ය මණ්ඩලවලට දීමනාවක් ලබාදීම
Monday, September 5, 2011
මාතර මහනගර සභා ඡන්දෙට බැට්මෑන් කෙනෙක්
මෙම ක්රමය ප්රධාන පක්ෂ දෙකට එනම් එක්සත් ජාතික පක්ෂයටත් එක්සත් ජනතා නිදහස් සන්ධානයටත් පූර්වාදර්ශයක් කරගත හැකියි. මෙම ක්රමයෙන් මැතිවරණ ප්රතිපල නිකුත් කළ වහාම ඔහුට හෝ ඇයට තම පක්ෂය මාරු කළ හැකියි. පක්ෂ මාරු කිරීමට වාසි බලමින්, කල් බලමින් සිටීමේ අවශ්යතාවයක් මතු වන්නේ නැහැ. පක්ෂ මාරු කරන්නන්ට කොමිස් ගෙවීමට අවශ්යතාවයක් මතු වන්නේ ද නැත. මේ ක්රමය ගැන කල්පනා කර බැලුවොත් හොඳයි නේද ?
Sunday, August 14, 2011
ග්රීස් යක්කු
පුත්තලම
අද (14) පුත්තලමේ හිජරත්පුරම් ගම්මානයේ සැක කටයුතු ග්රීස් යකුන් යැයි සැක සිතෙන පුද්ගලයින් දෙදෙනෙක් ගැවසී ඇති බවත් එයින් ගැමියන් කලබලයට පත්වී ඇති බවත් වාර්තා වෙනවා. පොලීසිය ද ගම්වැසියන් හා එක්වී ඔවුන් සෙවීමට මෙහෙයුමක් අරඹා තිබෙනවා.
බදුල්ල
බදුල්ල පිටවලගම ප්රදේශයේ දී ජනේලයකින් කාන්තාවකට එබිකම් කළ සැක කටයුතු ග්රීස් යකෙක් ප්රදේශවාසීන් විසින් අල්ලාගෙන පොලීසියට බාර දී තිබෙනවා.
නිවසක් මංකොල්ලකෑමට සැරසුනු වයස අවුරුදු 16 ක තවත් ග්රීස් යකෙක් බදුල්ලේ තල්දෙන ප්රදේශයෙන් අල්ලාගෙන තිබෙනවා. ග්රීස් යකෙක් ලෙස වෙස්වලාගෙන ගනු ලැබූ ඔහුගේම ඡායාරූප 2 ක් ඔහුට අයත් ජංගම දුරකතනයෙන් සොයාගෙන තිබෙනවා. එම ඡායාරූප මාධ්යවල ද වාර්තා වුණා.
බදුල්ලේ අවුරුදු 16ක ග්රීස් යකා
හපුතලේ
ග්රීස් යකුන් යැයි සැක කළ පුද්ගලයින් දෙදෙනෙක් පසුගිය 11 වනදා ගම්වාසීන් විසින් පහරදී ඝාතනය කර තිබෙනවා. මෙම පුද්ගලයින් දෙදෙනා මොනරාගල පදිංචිකරුවන් දෙදෙනෙක් වන අතර සිද්ධිය වන අවස්ථාවේදී කළු පැහැති ඇඳුම් හැඳ සිටි බවත් පුදේශවාසී කාන්තාවක් සමඟ කතා කරමින් සිටි බවත් වාර්තා වෙනවා.
මහියංගනය
මහියංගනය ගුරුමඩ ප්රදේශයෙන් තවත් ග්රීස් යකෙක් අත් අඩංගුවට ගෙන තිබෙනවා. මොහු එම ප්රදේශයේ කාන්තාවන් කිහිප දෙනෙකුටම පසුගිය දින කිහිපයේදී පහර දී තිබෙනවා. මෙම සිද්ධිය වාර්තා වන්නේ පසුගිය ජූලි මාසයේදීය.
මේ අතර පොලිස්පති එන්. කේ. ඉලංගකෝන් ප්රකාශ කරන්නේ මහජනතාවට මේ සම්බන්ධයෙන් අනියත බියක් ඇතිකරගත නොයුතු බවත් පොලීසිය මේ සම්බන්ධයෙන් රටපුරා පරීක්ෂණ ආරම්භ කර ඇති බවත් සැකකරුවන් අත්අඩංගුවට ගැනීමට මේවනවිට ක්රියා කර ඇති බවත්ය.
ජනමාධ්ය මේ ගැන වගකීමෙන් වාර්තා කරන ලෙසත් ඉදිරියේදී පුවත්පත්වල “ග්රීස් යකා” යන වචනය පාවිච්චි කිරීමෙන් වළකින ලෙසත් පුවත් පත් ආයතන ප්රධානීන්ගෙන් ඔහු වැඩි දුරටත් ඉල්ලා සිටියා.
මේ සම්බන්ධයෙන් සිද්ධීන් 21 ක් වාර්තා වී ඇති අතර සැකකාර ග්රීස් යකුන් 47 දෙනෙක් අත් අඩංගුවට ගෙන ඇති බවත් වාර්තා වෙනවා.
Wednesday, August 3, 2011
මිල්ලන්ගොඩ රාජා ඇත් රජු දැයෙන් සමුගනී
ඇතා මියයන විට වයස අවුරුදු 70 පමණ විය.
දළදා මාලිගාවේ රාජා ඇත් රජුගේ මරණයෙන් පසු වැඩිම කලක් දළදා වහන්සේ වැඩම කරනු ලැබුවේ මිල්ලන්ගොඩ රාජා ඇතුගේ පිට මතිනි.
පසුගිය දා මිල්ලන්ගොඩ රාජා ඇතාට සෙත් පතා පිරිත් සඡ්ඣායනයක් ද පැවැත්වීය.
කෑගල්ලේ මොලගොඩ ජීවත් වූ මෙම ඇතාගේ අයිතිකරු වන්නේ අප්පුහාමි මිල්ලන්ගොඩ ය. ඔහු පවසන්නේ මෙම ඇතා තමන්ට ලැබුණේ 1945 දී බවයි. ලොකු රාජා නමින් ද හැඳින්වෙන මෙම ඇත් රජුගේ දළ බිම ගෑවෙන අතර අඩි 7 ත් 7 1/2 පමණ දිගය.
බෞද්ධ ජනතාවගේ ගෞරවයට ද දෙස් විදෙස් සංචාරකයින් අතර ඉමහත් ජනාදරයට ද පාත්ර වූ මිල්ලන්ගොඩ හස්තිරාජයාට නිවන් සුව පතමු.
Subscribe to:
Posts (Atom)