අද (05) දහවල් 1.00 ට පමණ මාතර ඓතිහාසික බෝධීන් වහන්සේ මුදුනට නැඟුනු පුද්ගලයෙක් අමුතුම ආකාරයේ උද්ඝෝෂණයක් ආරම්භ කර තිබෙනවා. ඔහු බෝධීන් වහන්සේ මුදුනට නැඟ පෝස්ටරයක් අතැතිව තම ඉල්ලීම් ඉල්ලා කෑගසමින් සිටිනවා. එම ඉල්ලීම් මොනවාදැයි පැහැදිලි නැහැ. මාතර මූලස්ථාන පොලිස් පරීක්ෂක ප්‍රසන්ත මහතා ඇතුළු මාතර පොලීසියේ නිලධාරීන් මොහු බිමට බැස්සවීමට මහත් පරිශ්‍රමයක් දරනවා. මූලස්ථාන පොලිස් පරීක්ෂක ප්‍රසන්ත මහතා, ඔහුගේ ඉල්ලීම් සළකා බැලීමට සූදානම් බවත් බිමට බසින ලෙසත් ඉල්ලා සිටියා. එහෙත් ඔහු එයට අවනත වන බවක් දක්නට නොතිබූ නිසා කඹ ආධාරයෙන් බිමට ගැනීමට පොලීසිය කටයුතු කරමින් සිටිනවා.
මෙම උද්ඝෝෂණකරු නීති විරෝධී කසිප්පු ජාවාරමේ නිරත වන බවත් බූරුවා ක්‍රීඩාවේ නිරත වන බවත් පැවසෙනවා. විටියල සමන් හෙවත් බූරු සමන් ලෙස හඳුන්වන මොහු තම පුතා පොලිස් අත්අඩංගුවට ගෙන ඇති බවත් ඔහු මුදාගැනීමට මෙසේ බෝධීන් වහන්සේ මුදුනට නැග ඇති බවත් නිල නොවන ආරංචි සඳහන් කරනවා.
කවයෙන් පෙන්වා ඇත්තේ උද්ඝෝෂණකරු බෝධීන් වහන්සේ මුදුනේ නැග සිටි ආකාරයයි.
එම අවස්ථාවේ සංස්කරණය නොකළ වීඩියෝ දර්ශණය පහතින්
No comments:
Post a Comment